--Ads--
VIGAN CITY – Sangagasut walopulo a burias ti naiwaras kadagiti sangapulo ket dua nga organisasyon kadagiti nadumaduma nga ili babaen ti seremonya a naaramid iti sangwanan ti provincial capitol.
Segun ken ni Provincial Veterinarian Dr. Celso Gao-ay, tallopulo ket pito a miembro manipud kadagiti sangapulo ket dua nga asosasyon ti nakaawat iti sagdudua a burias pakairamanan ti feeds.
Ti Pig Dispersal Recovery Program babaen ti provincial government ket gagemna a matulongan dagiti naapektaran iti African Swine Fever nga agtartaraken ti baboy ken iti epekto ti Covid19 pandemic.
Indaulwan ni Gov. Ryan Singson ken dagiti kameng ti Sangguniang Panlalawigan ti panangiyawat dagiti nasao a benepisyo.
-- ADVERTISEMENT --
