Saan a maaramat dagiti destabilizers ti naibilang nga 18-maleta boys tapno mangitunda iti dakdakkel a riribuk iti biang ti Armed Forces of the Philippines.
Mamati ni Senador Ping Lacson ti asino man nga adda iti likudan ti gandat a destabilization tapno aramaten dagiti 18 a dati a bodyguard ken bagmen ni dati a Cong. Zaldy Co, ket saan nga agepektibo ta ti uniformed services ket awan ti simpatyada kadagitoy.
Dinakamat ni Lacson a 12 kadakuada ket dishonorably discharged ken saan a kayat ti Philippine Marines a mairaman kadagiti 18.
Agdudua pay ti senador iti panagparang dagiti 18-ex bodyguard idi June 8 a nakaisayangkatan ti panagdengngeg ti Blue Ribbon Committee ta imbes a sumango iti panagdengngeg ket nagpa-presscon dagitoy iti opisina ni Senador Robin Padilla, ket gapu ta awan pakaammoda, impilitda ti sumrek.
