--Ads--
Napan manen iti Department of Justice ni dati a Senador Antonio Trillanes IV tapno mangipila iti baro a reklamo kontra kadagiti 18 a nagpayam-ammo nga ex-Marine.
Segun ken ni Trillanes, reklamo a cyberlibel ti impilana gapu iti panangibaga ti grupo iti media interview-da a maikonkonektar iti mapapati a panangawat iti kuarta para iti International Criminal Court.
Innayon ni Trillanes a gapu iti panangdadael ti grupo, karaman dagiti host ti maysa a news TV station, ket nangipilada iti baro a reklamo iti DOJ.
Innayon ti dati a senador nga adda pay lima a kadua dagiti nagpayam-ammo a dati a suldado nga immasideg kenkuana a nangibaga a naidiayaanda iti kuarta kasukat ti pannakairaman ti naganda ken dadduma pay, ngem saanda daytoy nga inawat.
-- ADVERTISEMENT --
