Imbabawi dagiti sangapulo ket walo a dati a bodyguards ni Cong. Zaldy Co ti saritada idi a karaman ni Senator Loren Legarda kadagiti napatulodan iti minaleta a kickback iti flood control projects.
Segun ti legal counsel ti 18 ex-bagmen a ni Atty. Levito Baligod, in-retract wenno imbabawida iti saritada ken inaminda a nagkamalida iti panangibaga a nakaawat ti dua a maleta ni Legarda manipod ken ni Co.
Inlawlawag kenkuanna dagiti dua a dati a kameng ni Co a da Rodante Orbillo ken Rommel Galapon nga awan iti impanda a maleta iti residence wenno pagtaengan ni Legarda.
Pinasingkedanna pay kadagiti dati a kameng a nabilinda nga agibaba ti dua a maleta idi simrek iti Co iti gate iti pagtaengan ni Legarda ngem napaspas a rimmuar ken awan iti makitkitada a naipastrek a maleta iti uneg iti gate.
Silulukat met ni Baligod no kas bilang makasoan dagiti dua a dati a bodyguards ni Co gapu iti madi a testimonyada.
