VIGAN CITY- Sangapulo ket pito a native a baboy ti kinumpiskar dagiti quarantine inspectors ti provincial animal quarantine idiay Bio, Tagudin , gapu ta linabsan ti driver ti truck a ni Melchor Butag Aligo, agtawen ti tallo pulo, naasawaan ken taga Sitio Bad-ayan , Baculongan, Benguet ti checkpoint ken awan ti dokumento na dagiti baboy a nagapu idiay Luna, La Union a maiserrek kuma ditoy probinsiya .
Segun kenni provincial quarantine officer Martel Quitoriano, saan da nga inawat ti rason ti driver ken dagiti walo a kakadwa na nga usaren da iti padaya dagiti baboy ta idi immuna pay laeng ket saan da kuman a tinarayan ti checkpoint ket gapu iti dayta, maipan iti demo farm id idiay nagbeddengan ti San juan ken Cabugao dagiti nakumpiskar a baboy.
Gapu iti dayta, inpalagip manen ni Quitoriano kadagiti agiserrek ti ayup ditoy probinsiya a no awan ti permit da ket saan da a libasan ti checkpoint no di ket makipatang da tapno matulungan da a makaala kadagit kasapulan a dokumento.
