Sangapulo ket pito nga indibidual iti nangipila ti aplikasyon para iti sumaruno nga Ombudsman chief.
Idi laeng July 4 iti naudi nga aldaw para iti panagipasaan iti aplikasyon iti Judicial and Bar Council wenno JBC.
Naammoan a dagiti nagipila ti aplikasyonda ket da Supreme Court Associate Justice Samuel Gaerlan, dati a BIR Commissioner Kim Jacinto-Henares, Justice Secretary Jesus Crispin Remulla, Retired Supreme Court Justice Mario Lopez, Retired Court of Appeals Justice Stephen Cruz, Philippine Competition Commissioner Chairman Michael Aguinaldo, Judge Jayson Rodenas, Sandiganbayan Justice Michael Musngi, CHR Commissioner Beda Epres, Justice Bautista Corpin, Deputy Executive Secretary Lisa Logan, Usec. Romeo Benitez, Chairperson Felix Reyes, Sandiganbayan Presiding Judge Justice Geraldine Econg, PDP Laban Secretary-General Atty. Melvin Matibag, Retired Judge Benjamin Turgano ken Atty. Jonie Caroche.
Nakaituding a maisalang ti public interview iti JBC dagiti aspirant inton July 30 ken 31 ken August 1 ken 4.
Dagiti mairaman it shortlist iti JBC ket isu iti maipasa idiay Malakanyang a pagpilian ni President Ferdinand Marcos Jr.
Kabayatanna, ni Ombudsman Samuel Martires ket nakaituding nga agretiro inton July 27, 2025.
