Pormalen a nayam-ammo dagiti kandidata para iti Miss Caoayan kagiddan ti umadani a panagpiesta ti ili.
Iti pannaki-uman ti Bombo Radyo Vigan ken ni Mayor Germelina ‘Germie’ Goulart, kompleto amin dagiti kandidata manipud kadagiti 17 a barangay a makipaset iti nasao a beauty pageant.
Ti makoronaan kas Miss Caoayan 2026 ket isunto ti mangibagi iti Miss Ilocos Sur 2027.
Kabayatanna, pagyamanan met ni Goulart dagiti barangay captain gapu iti panagkaykaysada para iti piesta.
Paset iti kapiestaan ti ili dagiti nadumaduma nga aktibidad kas ti Pastoral Church Activities, Multi-Sectoral Night, Miss Caoayan, Bingguhan ng Bayan, Grand Parade, ken Wreath Laying para ken ni dati a Presidente Elpidio Quirino.
Into met no November 9 ket malukatan ti baro a silaw iti Quirino bridge ti nasao nga ili.
