--Ads--
Umabot iti 16,670 a pulis ti maideploy idiay Metro Manila para kadagiti kilos protesta kontra iti korapsion, segun iti National Capital Region Police Office.
Karaman ditoy dagiti 10,218 a kameng ti NCRPO, ken 6,292 a pulis manipud iti nadumaduma a lugar iti ruar ti Metro Manila.
Inlawlawag ti NCRPO a nanayunan ti bilang dagiti pulis manipud iti 15,000 gapu iti ad-adu a lugar a namonitor a maaddaan iti panagtitipon, malaksid iti Luneta Park ken People Power Monument.
Nagpalagip ti NCRPO kadagiti makipaset iti protesta a maiparit ti panagitugot kadagiti paltog, patadem, natatangken a banag, pampabettak, full face helmet ken ania man a maiparit nga agas wenno arak.
-- ADVERTISEMENT --
