Binaliktad ti Senate impeachment court ti immuna a ruling a kasapulan iti sangapulo ket innem ti botos tapno ma-convict ni Vice President Sara Duterte iti impeachment trial na.
Sangapulo ket tallo a senador ti pimmabor iti apela ti Senator-judge Erwin Tulfo kontra iti July 6 ruling ni Presiding officer Senator-judge Francis “Chiz” Escudero.
Saan a dimmar-ay iti panagbotosan da Senator-judge Alan Peter Cayetano, Senator-judge Pia Cayetano, Senator-judge Bong Go, Senator-judge Imee Marcos, Senator-judge Robinhood Padilla ken Senator-judge Camille Villar.
Iti salinong ti baro a ruling, saan nga otomatiko a maibasar iti buo a 24-member Senate ti two-thirds requirement, ngem masapul nga ibasar laeng iti denominator dagiti senador a legally ken factually capable a dumar-ay kas senator-judges iti oras ti panagbotosan.
Mabalin a saan a mairaman iti computation dagiti senador a nakaibalud, suspendido wenno legal a malapdan dagiti responsibilidad da, kasta pay dagiti senador nga aglemlemmeng ken adda pisikal wenno medical nga incapacity na.
