Kinumpirma ni Acting Senate President at Senate President Pro Tempore Sherwin Gatchalian a sangapulo ket innem ti kasapulan a botos tapno ma-convict ni Vice President Sara Duterte iti impeachment trial.
Pinasingkedan ni Gatchalian ti 16 a botos wenno 2/3 votes ket mandato ti Saligang Batas ken saan nga apektado iti aniaman a riri ti panangidaulo iti liderato ti Senado.
Inaramid ti senador ti panangilawlawag iti tengnga ti leadership deadlock iti Senado, a buklen ti sangapulo ket dua a senador ti Gatchalian-led bloc idinto a ti grupo met ni Senador Alan Peter Cayetano ket adda sangapulo a senador.
Intuding ti Senate impeachment court iti salinong ti liderato ni Gatchalian ti pre-trial conference inton Hunyo 18 ket nabilin ti kampo ni VP Sara ken ti House Prosecution panel nga agipasa ti pre-trial briefs da inton Hunyo 15.
Manamnama met a marugyan ti trial proper inton Hulyo 6 ti agdama a tawen.
