Mabalin a mapasaran ti pagilian iti agingga sangapulo ket innem a bagyo manipod Agosto agingga Disyembre ita a tawen, a manamnama ti peak activity kadagiti sumaganad a bulan.
Pinasingkedan ni Ana Liza Solis ti Philippine Atmospheric, Geophysical and Astronomical Services Administration (PAGASA) Climate Monitoring and Prediction Section a siam agingga sangapulo ket innem a bagyo ti manamnama a sumrek ti Philippine Area of Responsibility (PAR) sakbay a malpas ti tawen.
Segun iti PAG-ASA, mapatta-patta ti dua agingga tallo a bagyo inton Agosto, dua agingga uppat inton Setyembre agingga Nobyembre, ken maysa agingga dua inton Disyembre, idinto nga awan wenno maysa a tropical cyclone met ti manamnama inton Enero inton sumaruno a tawen.
Inallukoy ti ahensia ti publiko ken local a gobierno nga agalerto ken agtultuloy a bantayan dagiti weather update bayat a kumarkaro ti panawen ti bagyo.
