158-complaints iti mainaig ti vote buying, vote selling ken misuse iti government resources bayat ti campaign period iti nairekord ti Commission on Elections (Comelec) kas kinuna ti Department of the Interior and Local Government (DILG).
Segun ken ni DILG Assistant Secreray Jesi Lanete, sangapulo ket innem a reklamo a mainaig iti distribusyon ti financial aid wenno ayuda, maysa a tignay nga agbalin a vote buying kas nakailanad iti Section 33 iti Comelec Resolution 11104 a mangiparit kadagiti kandidato, kabagyanda agingga second degree iti consanguinity wenno nalatak a supporters-da manipod iti panagiwaras iti tulong bayat ti eleksyon.
Inallukoy ni Lanete amin a kandidato a liklikan ti mainaig iti vote buying, vote selling ken ti madi a pannakaaramat ti government resources ta amangan nu mangitunda iti pannaka-disqualify da.
Ti kangatoan a reklamo a naawat ket manipod Region 4-A ta tallopulo ket maysa iti kaso, sumaruno idiay Region 3 a tallopulo a kaso ken National Capital Region babaen iti duapulo ket dua a kaso.
Immunan a nagiruar ti Comelec iti show-cause orders kadagiti duapulo ket siam a local candidates a mangbilbilin kadakuada nga agsungbat iti reklamo a naipila kontra kadakuada.
Imbingay ni Interior Secretary Jonvic Remulla iti full support-na iti departamento para iti nainget a Kontra Bigay campaign iti Comelec.
