--Ads--
15 nga Indian tourist ti natay kalpasan a nagbaliktad ti maysa nga speedboat iti kabaybayan nga asideg iti Phu Quoc, Vietnam.
Inlugan ti bangka dagiti 32 nga Indian tourist ken 4 a tripulante nga agawid koma manipud Hon May Rut Ngoai Island idi mapasamak ti aksidente.
Segun iti maysa a witness, bigla a nagbaliktad ti bangka ket dagus a nagpaarayatda.
21 nga indibidual ti naisalakan idinto a dagiti nadunor ket naipaagas iti ospital.
-- ADVERTISEMENT --
Sumagmamano kadagiti biktima ket dagiti empleado ken channel partners ti smartphone manufacturer.
Imbilinen ni Vietnamese Prime Minister Le Minh Hung ti imbestigasion iti napasamak ken ti pannakadusa dagiti adda pagkuranganna.
