Imimbestigaran ti Commission on Elections (Comelec) dagiti sangapulo ket lima a contractors nu nangtedda iti campaign donations iti national candidates idi May 2022 presidential polls.
Segun ti Comelec, dagiti kontraktor nga adda iggemna a government contracts ket maiparit a mangted ti donasyon kadagiti kandidato.
Kinuna ni Comelec Chairman George Garcia, namnamaenda a ngumatgo pay ti bilang bayat ti panangkitada ti Political Finance and Affairs Department ti Statement of Contributions and Expenditures (SOCE) dagiti kandidato.
Inlawlawag ni Garcia nga un-unaenda amin a posisyon a karaman iti 2022 elections isu a posible nga ad-adu pay kalaksidan iti sangapulo ket lima a kontratista.
Idi laeng naman a lawas ket imbutaktak ti Comelec nga uppat a contractors iti naduktalan a nangted iti donasyon iti kompania iti national candidates idi 2022.
