VIGAN CITY– Gapu iti panang-unget kenkuana dagiti nagannak na ti mapapati a rason iti nagbekkelan ni Daniella Izza Antiporda, agtawen ti sangapulo ket lima idiay Fuerte, ili ti Caoayan, Ilocos Sur.
Segun kenni Police Senior Inspector Frederico Artates, hepe ti PNP-Caoayan, sakbay iti mapapati a paagpakamatay ti menor de edad ket inungtan ti ina na gapu iti nalabes a panagcellphone na ngem imbes a nagsardeng ket binugtak na ti inana.
Gapu iti dayta ket ti ama nan iti nang-unget ti ubing ken gapu ti gura na ket dinusuan na.
Inaig iti dayta ket binalakadan ni Artates dagiti nagannak a kapatang a naimbag ken tarabayen dagiti annak nangruna kadagiti agtutubo a kadduan ket nalaing nga agimula ti sakit ti nakem.
