Nairekord ti sangapulo ket lima a kaso ti indiscriminate discharge of firearms ti Philippine National Police.
Ti rekord segun ken ni PNP PIO Chief PBGen. Jean Fajardo ket manipud iti Ligtas Paskuhan monitoring idi December 16 agingga alas sais idi kalman iti agsapa.
Kaaduan a nairekord ket manipud Region 4A wenno CALABARZON nga innem, uppat manipud National Capital Region Police Office, dua iti Region 7 wenno Central Visayas ken saggaysa iti Region 9, 11, ken Cordillera.
Sangapulo a tattao ti nakemmeg, pakairamanan ti maysa a security guard, pulis ken maysa a kameng ti Bureau of Correction Personnel.
Siam nga armas met ti nakumpiskar idinto nga uppat ti nadangran iti insidente.
Kabayatanna, uppat a kaso ti stray bullet ti nairekord ti PNP, a ti tallo ket manipud NCR idinto a maysa manipud Region 9.
