14,000 a pamilia, agtaltalinaed kadagiti evacuation center

Adu pay laeng a pamilia ti agtaltalinaed kadagiti evacuation center, dua a lawas kalpasan ti panagduprak ti bagyo ken habagat iti pagilian.

Segun iti Department of Social Welfare and Development wenno DSWD, nasurok 50,000 nga umili katukad iti 14,000 a pamilia ti agtaltalinaed kadagiti 551 nga evacuation center.

16,351 met a pamilia wenno 60,773 nga umili ti kimmamang kadagiti kabagyanda.

Umabot iti 2.5 milion a pamilia wenno 9.1 milion nga umili ti naapektaran iti bagyo Crising, Dante ken Emong agraman ti habagat.

P900.1 million met ti tulong a naited ti gobierno kadagiti apektado iti didigra.