Inwaragawag ti National Capital Region Police Office a nangideployda iti 14,000 a kameng kas panagsagana iti kapiestaan ni Nuestro Padre Jesus Nazareno inton January 9, 2025.
Basar iti NCRPO, nangideployda iti pakabuklan a 12,168 a kameng para iti area ken route security ken immawatda iti nayon a 2,306 a kameng manipud kadagiti partner agencies.
Nalatak a paset ti panangrambak iti Traslacion ti pannakailibut ti 400-year-old nga imahe ni Hesus manipud Quirino Grandstand agingga iti Minor Basilica ken National Shrine of Jesus Nazareno.
Immunan nga imballaag ti simbaan kadagiti deboto ti mainaig iti scam sakbay ti kapiestaan.
Minilion a deboto ti dumardar-ay idiay Quiapo Church tunggal Enero 9 tapno padayawan ni Jesus Nazareno ken gapu iti pammatida a mangngegan dagiti kararagda wenno makaawatda iti milagro.
