Sangapulo ket uppat a tattao iti natay idinto a sangagasut duapulo ket uppat iti mapukpukaw ta narpuog ti maysa a dekada a lake barrier idiay Hualien County, Taiwan gapu iti panagduprak ti Super Typhoon Ragasa wenno dati a Bagyo Nando kas kinuna ti lokal a gobierno.
Segun kadagiti nakalasat iti insidente, arigna nagbalin a pitak iti dan-aw, nayalos dagiti pagtaengan, ken nadadael pay ti maysa a rangtay iti nasao a lugar a gappuanan iti pannakaapektar iti maysa nga ili iti Kuang Fu Township.
Kinumpirmaran ni Lee Kuan-ting a pannakangiwat ti Hualien County Government a sangapulo ket walo iti nadunor idinto nga agtultuloy iti search and rescue operations.
Maibasar iti National Fire Agency, umaboten iti 7,600 a tattao iti naibakwit iti intero a Taiwan gapu iti bagyo.
