Kinumpirma ti Philippine National Police – Criminal Investigation and Detection Group (PNP-CIDG) nga agtalinaed dagiti sangapulo ket uppat a pulis a maipagarup a karaman iti kaso dagiti mapukpukaw a sabungeros iti PNP custodial center.
Daytoy ket gapu ta nakapenpen pay ti desision ti korte iti pannaka-iyakar da iti Bureau of Jail Management and Penology (BJMP).
Segun ken ni PNP-CIDG Director MGen. Robert Morico II, nangipila ti motion dagiti police officer iti korte nga agtalinaed iti kustodiya ti PNP, banag a temporario a pinatgan bayat a madengdengngeg pay laeng ti petition.
Inlawlawag met ni CIDG-NCR chief Col. John Guiagui a temporario ti panagtalinaed iti kustodiya ti PNP ken naka-depende iti decision ti korte no maiyakar da idiay Sta. Cruz wenno idiay Lipa.
