Umabot iti 13,441 nga examinees ti mangala iti 2026 Bar Examinations a mangrugi ita nga aldaw, Setiembre 6.
Maisayangkat ti test iti tallo nga aldaw, Setiembre 6, 9 ken 13, kadagiti 15 a local testing centers iti nadumaduma a paset ti pagilian.
Pito kadagiti testing centers ti adda iti National Capital Region, idinto nga adda sagdudua iti Luzon, Visayas ken Mindanao.
Maaramid ti bar examinations iti digital format kas paset iti panangusar ti Korte Suprema iti teknolohia ti eksaminasion.
Manipud iti 14,291 a nagparehistro, 13,441 laeng ti nakakompleto kadagiti kasapulan ken na-clear a makipaset iti eksamen.
Naisagana metten ti nainget a security measures kadagiti testing centers tapno masigurado ti naannayas a pannakaisayangkat dagiti Bar examinations.
