Imbutaktak ni Senate Deputy Minority Leader Risa Hontiveros a nagpuslit dagiti sangapulo ket tallo nga undocumented Chinese national iti pagilian babaen ti state-owned dredging company idiay Beijing idiay Mariveles, Bataan bayat a makumikom iti pagilian iti dadduma nga isyu.
Segun ken ni Hontiveros, makapadanag ti araramiden ti China a panagpatulod ti espiya iti pagilian ta makapuspuslitda babaen kadagiti kakunsabosda a sumagmamano nga opisyal iti gobierno.
Idi napan a lawas nga impakaammo ti Philippine Coast Guard a sangapulo ket tallo nga undocumented Chinese national iti nasarakan iti dredging vessel.
Kinuna ni Hontiveros a nasarakan iti uneg ti barko iti sumagmamano nga uniporme ti People’s Liberation Army iti China a maipada iti nasapulan nga uniporme kadagiti POGO.
Kiddaw ti senador a nga imbestigaran dagiti masakup nga ahensya iti gobierno ti nasao a pasamak.
