Nakasangpeten dagiti sangapulo ket tallo nga Overseas Filipino Workers a naggapu idiay Israel idi kalman, Hulyo 4, segun iti Department of Migrant Workers (DMW).
Maysa kadakuada ni Josephine Sanglitan Sandoi, agtawen iti limapulo ket maysa ken dagiti duapulo a tawen a nangnangged iti nasao a ili ti nagawid iti pagilian gapu iti tensyon iti pagilian a nagtrabahoanda.
Segun ken ni DMW Secretary Hans Leo Cacdac, naipaay kadagiti OFW ti pinansyal a tulong, health checks, ken reintegration support a pakairaman ti TESDA training vouchers para iti panagbiagda.
Daytoy a grupo ket paset ti Batch 38-B a buklen iti duapulo ket maysa nga OFW.
Numan pay timmalnan ti mapaspasaran a riribuk idiay Israel, desisyon latta dagiti Pilipino no kayatda ti boluntaryo nga agawid.
