Sangapulo ket tallo a tattao iti natay idinto nga adu iti nadunor iti nakaru nga uram a napasamak iti maysa a residential apartment complex iti Tai Po district idiay Hong Kong.
Segun ti Hong Kong government, napasamak iti uram iti Wang Fuk Court iti Tai Po a nakadunoran iti duapulo ket walo a tattao pakairamanan dagiti naiyakar iti dua a local hospital.
Kinuna ni Andy Yeung a director iti Fire Services, maysa kadagiti natay ket maysa a bumbero a napaayaban manipod Sha Tin Fire Station.
Ti nasao a bumbero ket nabigbig a no Ho Wai-ho, agtawen iti tallopulo ket pito a nasarakan nga awan puotna iti nasao a lugar isu a naipan iti ospital ngem saanen a nakalasat pay.
Nakipagladingit ni Hong Kong’s Chief Executive John Lee iti pamilia dagiti pimmusay mainaig iti nasao a napasamak nga uram.
Iti agdama ket ar-aramiden amin a kabaelan ti fire department tapno madepdep iti apoy a nangrugi itay alas dos singkwentay uno iti malem.
