VIGAN CITY – 1,268 nga estudiante ti K-12 Basic Education Curriculum iti school year 2020-2021 ti Ilocos Sur National High School ti balligi a nagturpos babaen iti napasamak a virtual graduation ceremony.
381 manipud iti nasao a bilang ket nagturpos iti Humanities and Social Sciences strand, 232 iti Science Technology and Mathematics, 174 iti ABM ken 481 iti Technical Vocational and Livelihood.
Nupay kasta, kinablaawan ni DepEd Regional Director Tolentino Aquino dagiti nagturpos nga estudiante ken nagyaman kadagiti nagannak pakairamananen dagiti stakeholder ti DepEd gapu ti panangsuportada kadagiti nadumaduma a ganuat ti ahensia tapno maituloy latta dagiti estudiante ti agadal uray pandemya.
Kagiddan iti seremonya ket adda met dagiti estudiante a naballigi iti akademya ti napadayawan gapu kadagiti output ken napintas a performance-da.
