--Ads--
Indauluan ni Lebron James ti pannangabak kalpasan a nakairekord iti duapulo ket walo a puntos ken 12 assists a gappuanan ti panagbalinna a maikapat a player ti pakasaritaan iti NBA nga umabot iti 12,000 career assists.
Naala ni James ti pakasaritaan a maika-12,000 assist ti umuna a quarter babaen iti maysa a long chest pass ken ni Deandre Ayton.
Iti panagleppas iti ay-ayam ket umaboten iti 12,010 ti assists ni James a maikapat ti listaan a saruinwen da John Stockton a 15,806, Chris Paul a 12,552 ken Jason Kidd a 12,091.
Gapu iti balligi, ngimmato iti kartada ti Lakers iti 52-29 nga umdas tapno masigurado a saan a bumaba iti maikapat a puesto iti standings.
-- ADVERTISEMENT --
