Agtultuloy latta ti cash aid ken livelihood projects iti Department of Social Welfare and Development (DSWD) kalpasan nga impalubos iti Commission on Elections nga ilaksid dayta manipod poll spending ban.
Sangapulo ket dua a DSWD projects iti inlaksid ni Comelec Chairman George Garcia kasangwanan ti midterm elections inton May 12.
Kiniddaw ni Garcia iti ahensya nga agayabda ti witness election officers kadagiti ili ken siudad bayat ti air distribution tapno masigurado a sumursurotda iti pagannurotan.
Dagiti exempted a programa ket ti Sustainable Livelihood Program, Supplementary Feeding Program, Social Pension Program for Indigent Senior Citizens, Recovery and Reintegration Program for Trafficked Persons, Protective Services for Individuals and Families in Especially Difficult Circumstances-Proper ken services for residential and center-based clients.
Karaman pay nga exempted ti kontrobersyal a cash aid Ayuda para sa Kapos ang Kita Program or AKAP, ti Local Adaptation to Water Access-Breaking Insufficiency through Nutritious Harvest for the Impoverished project, Philippine Multisectoral Nutrition Project, Liwanag at Tubig Assistance Welfare, community development ken cash-for-work programs iti salinong ti Kalahi-CIDSS-KKB ken assistance to persons with disabilities ken senior citizens.
Impaganetgetna a ti implementasyon ti programa kety saan a rumbeng a makaimpluwensya iti eleksyon isu a maiparit dagiti elective officials wenno candidates a makipaset ti aid distribution.
