--Ads--
Sangapulo ket dua ti kinemmeg dagiti otoridad gapu iti napasamak a komosyon idiay Barangay Laskig, Pidigan, Abra.
Segun ken ni PLTCOL. Daniel Pel-ey, Information Officer ti Abra PPO, nakaawatda ti report mainaig kadagiti lallaki nga agaapa iti kalsada ti barangay.
Nakumpiskar manipud iti maysa a black Nissan pick up ti sangapulo a paltog a pakairamanan ti uppat nga M16 rifle, maysa a bushmaster ken lima a caliber 45 idinto a dua a caliber 45 manipud iti white Toyota Hilux.
Iti agdama, nakakustodian kadagiti pannakabagi ti linteg idiay Abra dagiti nasao nga indibidual tapno sangwenda ti kaso a panaglabsing iti Republic Act 10591 ken Comelec Resolution 11067 wenno ti Omnibus Election Code.
-- ADVERTISEMENT --
