VIGAN CITY – Impakammu ti Police Regional Office Cordillera a nalpasen ti tensyon idiay Pilar, Abra.
Sangapulo ket dua a dati a kameng ti militar a nagserbi a security aide ni Vice Mayor Jaja Josefina Disono ti simmuko kadagiti kameng ti Philippine Army para iti naananay nga imbestigasyon ti PNP.
Malaksid kadagiti security personnel ti pamilya, naisuko pay ti sangapulo ket uppat a nadumaduma a paltog ti kampo ti bise mayor para ti forensic examination.
Kabayatanna segun kenni Atty. Raymond Furton, pinatgan ti pamilya ni Vice Mayor Disono ti kiddaw ti PNP a maisuko dagiti paltog tapno maisayangkat ti eksaminasyon no adda kadagiti paltogda iti naaramat kadagiti kapulisan.
Kayat ti bise mayor a madalusan ti naganda iso nga isuko da dagiti paltog nga adda amin iti naananay a dokumentona.
