12 a Pilipino a biktima ti human trafficking idiay Myanmar, simmangpeten iti pagilian

Simmangpeten iti pagilian dagiti sangapulo ket dua a Pilipino a biktima iti illegal recruiter ken human trafficking idiay Myanmar.

Segun ti Department of Migrant Workers, nakalibas dagiti Pilipino iti scam city kalpasan a tinulongan ida ti Myanmar military.

Naamoan a dagiti nakalibas a Pilipino ket nabugbog ken nakuryente iti electric shocks.

Adda pay gundaway a nadusada babaen ti panag-duck walk, frog walk, panaglagto, ken panag-squat iti mano nga oras.

Impadas dagiti Pilipino a nagpakada a pumanaw iti scam city ngem kayat ida a pagbayaden ti employerda iti $15,000.

Gapu ta awan ti pagbayadda ket naglibasda laengen babaen ti tulong ti military ti Myanmar.