Impakaammo ti Bureau of Immigration (BI) a 115 a gangannaet iti naduktalan nga illegal nga agtaltalinaed ken agtrabtrabaho iti pagilian iti naideport bayat ti umuna a lawas iti Hunyo.
Segun ken ni Immigration Commissioner Joel Anthony Viado, dagiti naideport ket 44 iti Vietnamese nationals idi June 3.
12 iti South Koreans ken 26 a sabali pay a Vietnamese nationals iti naideport idi Hunyo 4 idinto a maysa a Malagasy national ken 25 pay a Vietnamese idi June 6.
Kaadoan kadagiti naipadeport ket nakemmeg gapu iti panagtrabahoda nga awan ti husto a documentation iti Philippine Offshore Gaming Operators (POGO) nga impasarra ti gobierno gapu iti pannakainaigda iti criminal activities.
Imbaallag ni Viado a nawaya iti Pilipinas para kadagiti ammona iti sumurot iti pagannurotan ngem nu kadagiti agturong iti pagilian nga agaramid iti kalokoan, mang-exploit wenno manglabsing kadagiti paglintegan ket manamnama a makemmeg, maipadeport ken mapagelanen nga agsubli iti pagilian.
