VIGAN CITY – Manamnama a maisangpet iti pagilian ti 110,000 nga automated counting machines nga inupaan ti Commission on Elections manipud iti South Korean Firm a Miru System agingga bulan ti Disyembre iti agdama a tawen kas panagsagana iti midterm elections inton umay a tawen.
Segun kenni Director John Rex Laudiangco, pannakangiwat ti Comelec, inton bulan ti Agosto a sumangpet ti umuna a batch dagiti makina a buklen ti duapulo a ribo a piraso ket agtultuloy ton ti panangideliver agingga a makumpleto .
Inpasigurado ti Comelec nga awan ti aniaman nga agbalin a parikot iti isasangpet dagiti makina.
Kabayatanna, inlawlawag ni Laudiangco nga inupaanda laeng dagiti maaramat a machine inton pinagpipili kalpasan a nagbalin a napintas ti performance dagiti makina a naimatangan dagiti opisyal ti ahensia.
Innayon ti Comelec nga agtultuloy ti panagparehistro kadagiti botante agingga September 30, Lunes agingga Biernes manipud alas-otso agingga alas-singko ti malem iti naduma duma nga opisina ti Comelec.
