VIGAN CITY- Sangapulo ket maysa a wanted person iti kinemmeg dagiti pannakabagi ti linteg idiay Cabaroan, Vigan City babaen ti bileg ti warrant of arrest gapu iti sangsanguen da a kaso nga statutory rape.
Dagiti suspek iti mapapati a nangrames ti maysa a menor de edad iti syudad ti Vigan idi napan a tawen.
Segun kenni Supt. Marlo Castillo, hepe ti Vigan City Police Station, lima kadagiti nakemmeg ket menor de edad idinto a dagiti dadduma ket maibilangen a top 5, 6,7, 8,9 ken 10 most wanted person iti city level.
Ti warrant of arrest dagiti suspek ket inparuar ni Honorable Judge Marita Bernales Balloguing , executive judge ti Regional Trial Court, First Judicial Region, Branch 20, Vigan City, Ilocos Sur a napetsaan ti March 8, 2018 ket awan iti nairekomanda a pyansa para iti temporaryo a pannakawayawaya da.
Ti agdama ket sapsapulen pay laeng dagiti otoridad ti maysa pay a suspek a mapapati nga adda idiay Metro Manila.
