VIGAN CITY – Agannad no agiggem iti manibela ta nu agkamali ket maaksidente, dua laeng ti turungen, hospital wennu sementeryo.
Karambola ti tallo a lugan iti napasamak idiay Barangay Maynganay Norte, Sta. Maria babaen ti maysa a Toyota Fortuner, Toyota Innova ken cargo truck.
Ti maladaga ket nailugan ti Fortuner a tinukbob ti sumarsaruno a cargo truck.
Nupay kasta, iti impormasyon a naala ti Bombo Radyo Vigan manipud ti Sta. Maria PNP, saan met la ketdi a napakaruan unay ti ubing ta dugol laeng iti sinagrap na ngem intaray da latta iti pagagasan tapnu macheck up ti kasasaad na babaen kadagiti mangngagas.
Kinalikaguman dagiti karaman iti karambola ti aga-areglo ken awanen ti maipila a kaso, ta ti driver ken akin-kukua iti mangpatarimaan iti natukbobna a Fortuner, ket nu maipaagas oay ti ubing ket isuna ti agbayad iti magastos na.
