--Ads--
Tulongan ti gobierno ti pagilian dagiti sangapulo ket maysa a Pilipino a nabalud idiay Nigeria gapu iti mapapati a ‘cyber terrorism ken internet fraud’.
Segun ken ni Foreign Affairs Usec Eduardo de Vega, tigtignayan ti embahada ti nasao a kaso ken mangipaayda iti legal a tulong.
Sangapulo ket lima a gangannaet ti nakemmeg pakairamanan dagiti dua a Chinese, maysa a Malaysian ken maysa nga Indonesian.
Nasentensyaan ti tunggal maysa kadakuada ti maysa tawen a pannakaibalud babaen iti Lagos court ken namueltada iti maysa milion a naira ($360) kalpasan ti panag plead guilty da.
-- ADVERTISEMENT --
Dagitoy ket naakusaran nga agrecrecruit kadagiti ubbing a Nigerian tapno agaramid iti identity theft – agpammarangda a gangannaet tapno manglimlimo babaen iti internet.
