--Ads--
VIGAN CITY – Sangapulo ket maysa a tattao iti kinemmeg dagiti kameng ti Candon City Police Station nga agiinom idiay Brgy. San Nicholas iti nasao a siyudad.
Basar ti report manipod ti Candon City PNP, agpatpatrolya da iti nasao a lugar kadua da ti hepe da a ni Police Lt. Col. David Dulnuan ket nakita da dagiti lallaki nga agiinom iti arak uray nu nainget ti enhanced community quarantine gapu ti coronavirus disease 2019.
Rason dagiti suspek ket agkasangay ti putot ti maysa kadakuada isu a nagiinum da.
Naipan dagiti nakemmeg idiay Candon City Hospital para iti medico legal sa da naipan idiay police station para iti proper documentation ken proper disposition.
