--Ads--
Sangapulo ket maysa a bangkay iti na-recover iti agtultuloy a search and rescue (SAR) operation iti kabaybayan a sakup iti Baluk-Baluk Island, Basilan ita nga aldaw.
Segun ken ni Philippine Coast Guard Spokesperson Capt. Noemie Cayabyab, naisayangkaten ti retrieval procedure kadagiti bangkay iti panangidaulo ti Provincial Disaster Risk Reduction and Management Office (PDRRMO) Basilan tapno mabigbig iti kinataoda ken maipakaammo kadagiti kameng ti pamiliada.
Kabayatanna, agtultuloy ti imbestigasyon tapno maammoan iti pakabuklan a bilang dagiti naglugan iti limned nga MV Trisha Kerstin 3.
Manamnama iti pannakairuar iti nayon a detalye maipanggep iti bilang dagiti nakalasat, natay ken agtultuloy iti panagsapul dagiti otoridad.
-- ADVERTISEMENT --
