Inwaragawag ti Department of Education ti panangital-o iti teacher career upgrades nga umabot iti 100,000 a mangisursuro iti intero a pagilian inton 2026.
Iti maysa a seremonya idiay Laoag City, Ilocos Norte, indaulwan da DepEd Secretary Sonny Angara ken House Majority Leader Sandro Marcos ti mass oath-taking dagiti naipromote a mangisursuro iti salinong ti Expanded Career Progression (ECP) system.
Segun iti DepEd, ti ECP ti mangidalan kadagiti mangisursuro a ngumato ti ranggoda a saan a pumampanaw iti panagisuroda iti klasrum, a solusyon iti nabayagen a pannakaitantan ti promosyon gapu iti limitado a Plantilla ken promotions a naibasar laeng iti natural vacancies.
Adu kadagiti newly-promoted a mangisursuro ti naguray iti tawen wenno dekada para iti promosyon, karaman dagiti mangisursuro iti Ilocos Norte a nasurok 2,000 ti agdama a maipros-proseso para iti promosyon.
