Naawat ti Symbolic 100 millionth baby ti Ilocos Sur a ni Xyrus Jeic Talapian iti ili ti Bantay ti annual cash gift na manipud iti Provincial Government of Ilocos Sur nga inyawat ni Governor Jerry Singson ken ni Provincial Population Officer Francis Dacanay.
Iti pannaki-uman ti Bombo Radyo Vigan ken ni Francis Gerald Dacanay, Provincial Population Officer, PHP5,000 ti gatad ti tseke a naited ken ni Talapian sabali pay dagiti naggapu iti Department of Health nga school supplies ken hygiene kits.
Ti Provincial Population Office ti mangbambantay iti kasasaad ti ubing kas panangipaganetget ti adbokasiya ti provincial government nga itultuloy nga ipaayan iti Philhealth contribution ti pamiliana.
July 27, 2014 idi immuna a mairusat ti 100th million symbolic baby, tiempo idi a ti Pilipinas ket nadanonnan ti kasta a bilang ti populasyon.
