Umabot iti sangagasut a tattao iti nakaawat ti medical treatment manipod Philippine Emergency Medical Assistance Team (PEMAT) idiay Myanmar kas paset ti humanitarian response iti pagilian kalpasan ti magnitude 7.7 a ginggined iti Myanmar.
Segun ti Department of Health (DOH), ti PEMAT Type 1 Fixed Field Hospital ket nangrugi iti operasyonna idiay Pyinmana iti alas otso iti bigat idi April 3, 2025 ken naituloy iti alas singko iti bigat idi April 4, 2025.
Impaay ti pasilidad ti comprehensive medical ken public health services ken naserbian iti siam a pulo ket uppat a pasyente iti umuna nga aldaw.
Dagiti kaso ket pakairamanan iti innem a pulo ket siam a consultations para ti general medicine, duapulo para ti surgical concerns ken dua iti pediatrics and gynecology ken orthopedics.
Dagiti pasyente ket pitopulo ket maysa a babai ken duapulo ket tallo a lallaki.
Duapulo ket dua iti directly related iti ginggined, sangapulo ket uppat iti indirectly related ken limapulo ket innem iti unrelated.
