--Ads--
Binabalaw ti Land Transportation Office dagiti agwarwaras a damag a maipagarup a ngimmato ti 100% ti bayad ti panag-rehistro ti lugan ken inawagan da daytoy a saan nga agpayso nga impormasion.
Inlawlawag ti ahensia nga awan ti naipatungpal ti panagngato no di ket fake news laeng iti agwarwaras iti online.
Pinasingkedan ti LTO nga amin a mabayadan ket nakabasar iti magmagna a linteg ken regulasion, aniaman a panagbaliw ket umuna a maipakaammo iti publiko.
Impaganetget pay ti ahensia a gagem da ti nalaka a serbisio iti tengnga ti agdama a krisis iti ekonomiya ti pagilian.
-- ADVERTISEMENT --
