VIGAN CITY- Nakaragsakan ni Ilocos Sur governor Ryan Singson ti baro a linteg a pannakaiyatiddog ti validity ti pasaporte manipud iti dati a lima a tawen agingga ita a sangapulon a tawen.
Segun ken ni Gov. Singson, dakkel a tulong daytoy kadagiti Overseas Filipino Workers ken kadagiti pada na nga opisyal a kanayun a rummuar iti pagilian.
Innayon na, no naat- atiddog ti validity ti passport ket makissayan ti gastos dagiti passport holders ken saan da pay a maistorbo iti kanayon a panagrenew agsipud ta kada sangapulo a tawen laengen ti panagpabaro.
Maipalagip nga idi kalman ket pinirmaan ni Presidente Rodrigo Duterte a naan- anay a linteg ti Republic Act 10928, a dati ket lima a tawen ket napagbalin a sangapulo a tawen ti passport validity.
