--Ads--
Nabigbigen ti National Bureau of Investigation dagiti sangapulo nga indibidual ken grupo a nairaman iti nakumpiskar a 512 kilos ti mapapati a shabu idiay Laos a naituding koma a maipan iti pagilian.
Impasigurado ti NBI a madusa ti nakin-utek ti nasao a banag ken dagiti kakunsabusna iti gandat a panangipastrek ti kargamento ti iligal a droga iti Pilipinas.
Segun iti PDEA, nabigbigen dagiti dua a Pilipino nga adda iti likudan ti panangipuslit iti P3.5B a gatad ti shabu babaen ti naaramat a maysa a naarkila a private jet.
Agdama nga ad-adalen dagiti otoridad ti nakemmeg a ni alyas Fahad a madakdakamat nga adda pakainaiganna iti maysa a drug syndicate idiay Davao.
