Inlawlawag ti maysa nga Adult Nephrologist a 10% kadagiti naapektaran iti leptospirosis iti posible nga agsagaba iti severe kidney disease.
Iti pannaki-uman ti Bombo Radyo Vigan ken ni Dr. Isabella Panelo, ti leptospirosis ket maysa a bacterial infection a ti nasao a bacteria ket maawagan a leptospira nga agtaud iti animal a mayakar iti tao.
Segun ken ni Panelo, masansan a maala ti leptospirosis iti isbo iti bao babaen iti layos ken pitak ket mabalin a maipasa no kas bilang adda dunor ti maysa a tao.
Inlawlawagna a sangapulo a porsiento kadagiti agsagsaba iti leptospirosis iti naaddaan ti severe disease a mangapektar iti kidney idinto nga 80-90% laeng kadagiti makarika iti mild symptoms wenno flu-like symptoms.
Kinunana a no makarikna iti sintomas ket posible nga agsakit iti nagsusuopan iti likod tis aka, aglabbaga iti mata ken adda history-na iti pannaka-expose iti layos.
No kas bilang met maapektaran iti dadduma nga organ ket posible nga ag-yellow iti mata ken kudil, bumassititi isbo wenno marigatan nga umisbo, marigatan nga aganges, agdara iti agong ken gugot, adda dara aguyek, maaddaan iti acute kidney failure ken dadduma pay.
No pay kasta, dagiti naaddaan iti kidney failure ket saan nga agnanayon a dumalan iti dialysis ta no laketdi nasigod ken nakarecover ket agbalin laeng a temporaryo iti panag-dialysis.
