VIGAN CITY – Kaso a qualified theft ti maipila a kaso ken ni Nolito Degracia, agtawen iti uppat a pulo ket dua, laborer a taga-Baliw Daya, Sta. Maria gapu ti pananggandatna a mangilibas iti galvanized iron pipe nga aggatad iti PHP1300 iti maysa manipud iti construction firm idiay Maynganay Sur.
Ii pannaki-uman ti Bombo Radyo Vigan ken ni PLt. Florencio Pablico, Officer-in-charge ti Sta. Maria PNP, inpakammo kadakuada ni Nheil mar Andrada, agtawen iti uppat a pulo ket lima, market inspector ken ni Welner Owen Pilar, agtawen iti tallopulo ket innnem, maysa a Utility Worker nga idi dutyda iti rabii ti March17 ket nakitada ti suspek ken ti kaduana a saan pay a nabigbig a nangikarga iti sangapulo a galvanized iron pipe nga innem a metro ti kaatiddogna iti korong-korong.
Dinamag ni Andrada no pangipananda ti nasao a banag ngem saanda a nakauni isu a nagbalaw ket bigla insubli dagiti suspek ti nangalaanda dagiti pipe sa da naglibas.
Napasamak ti insidente idi March 17 ngem dua nga aldaw ti napalabasen sakbay a naidanun kadagiti kapulisan.
