VIGAN CITY – Mapatta-patta a nasurok sangaribo dua gasut a teenagers nga agtawen iti sangapulo agingga sangapulo ket siam ti tinawen a masiksikugan ditoy probinsia.
Pinasingkedan ni Provincial Board Member Jaime Singson, Chairman iti Committee on Health a basar iti rekord ti Provincial Health Office ket bimmaba ti kaso ti teenage pregnancy ditoy probinsia idi napan a tawen.
Kas panagtignay ti provincial government iti nasao nga isyu ket agpatawag dagiti pagadalan iti adu nga ubbing wenno ti naawagan a “teenage ninja” ket adda dagiti nurse a mangilawlawag kadakuada no ania ti teenage pregnancy,dagiti dakes nga epektona ken kasano a maliklikan.
Malaksid ti dayta, adda binukel ti opisial idi 2017 a youth group ket na-training dagiti ginasut a student leaders manipud iti high school ken kolehio.
