--Ads--
Pinasingkedan ni Philippine Atmospheric, Geophysical and Astronomical Services Administration (PAGASA) Deputy Administrator Mar Villafuerte a sangapulo agingga sangapulo ket walo pay a bagyo ti manamnama a sumrek iti Philippine Area of Responsibility (PAR) sakbay a malpas iti tawen.
Segun ken ni Villafuerte, maysa agingga dua a tropical cyclones ti manamnama a sumrek wenno mabukel ita a bulan malaksid iti bagyo Bising a mabanbantayan iti agdama.
Innayon ti PAGASA Deputy Administrator a pumigsa pay ti bagyongBising gapu iti Southwest Monsoon wenno habagat isu a mapasaran tit udo iti makindaya a paset ti pagilian, nangruna iti amianan a Luzon ken dadduma pay a paset ti Visayas.
