Immadu iti bilang dagiti agsiksikog a babbai nga agtawen iti sangapulo agingga sangapulo ket uppat a gappuanan ti alarming rate ta ad-adun iti mangpilpili iti live-in arrangement ngem iti pannakikasar kas kinuna ni Commission on Population and Development (CPD).
Iti listaan manipod 2023 Civil Registration ken Vital Statistics ket naammoan nga umabot iti uppat a ribo iti nasao nga age group, ngimmato iti 89% manipod iti 2,113 idi 2020 a ti kangatoan a nairekord a nagsikog ket agtawen laeng iti walo.
Segun ken ni Mylin Mirasol a chief iti Knowledge Management and Communications Division iti CPD, saan laeng a bilang dayta ta ipasimudaagna iti gaps iti edukasyon, protection ken access iti reproduction health services.
Bayat a pitopulo ket walo a porsiento a babbai nga agtawen iti sangapulo ket lima agingga uppat a pulo ket siam iti nangibingay ti kalikagumda a mamanehar iti fertility ken magun-aod iti ideal family size ket kaaddoan ket saan a maka-access iti modern family planning methods a gappuanan iti saan a naigagara a panagsikog.
Manipod met 1993 agingga 2022, ti bilang dagiti Pilipino a kaykayatna iti live-in arrangements ket immadu pay idinto a ti registered marriages ket bimmaba manipod 444,000 idi 2020 agingga 414,000 idi 2023.
