--Ads--
VIGAN CITY– Natay ti driver ti motorsiklo gapu iti panagdinnungpar da iti Partas bus iti national highway idiay Paing, Bantay, Ilocos Sur.
Nabigbig ti biktima a Danilo Pangalao, 35, naasawaan ,construction worker ken taga Bungro, San Ildefonso.
-- ADVERTISEMENT --
Maibasat ti report, agpaamyanan ti Partas bus a minaneho ni Juanito Pembo, 40 ken taga Poblacion West ,Agno, Pangasinan, idi inovertake’n na ti trailer truck.
Ngem idi nagsubli ti linya na ket nasabet na ti motorsiklo a minaneho ni Panglao ken uray no liniklikan na ket nagdinnungpar da latta.
Nagsagrap ti donor iti nadumaduma a paset ti bagi ni Panglao a rason iti nakatayanna idinto a nauram ti motorsiklo na.
Addan iti kustodiya ti PNP-Bantay ti driver ti bus.
