VIGAN CITY – Agtaltalinaed pay laeng idiay Candon City police station custodial facility iti nagmaneho ti gray a Mitsubishi Space Gear a naaksidente idiay Barangay Talogtog, Candon City idi alas syete idi rabii, January 1.
Agpapalaud ti nasao a lugan a minaneho ni Reynaldo Salon nga agtawen ti uppat a pulo ket tallo nga agnaed idiay Barangay Darapidap, Candon City idi nasapgid na iti sidecar ti nakaparada a tricycle a kukua ni Orlino dela Peña nga agnaed iti nasao a lugar.
Agsipud iti dayta, napukaw ni Reynaldo iti kontrol iti manibela isu a naidungpar da iti kongkreto nga alad iti igid iti kalsada ket nagtayyek pay ti lugan isu a nadundunor iti bagi da dagiti nakalugan a pasahero ngem napakaruwan ni Angelica Khalil Salon nga agtawen ti sangapulo ket innem a kanakan ni Reynaldo isu a natay.
Dagiti nadunor ket isu dagiti sumaganad:
- Myla Salon – 24-anyos
- Jaysel Salon – 35 –anyos
- John Rey Salon- 9-anyos
- Ashley Salon – 4-anyos
- May Salon – 46-anyos
- Cornelia Salon – 93 –anyos
- Donna Salon – 43-anyos
- Corazon Valdez – 62 –anyos nga agpapada nga agnaed idiay Darapidap, Candon City
- Anita del Rosario – 60-anyos
- Ariana Barbado nga agpada nga agnaed idiay Caterman, Candon City
- Teresa Salon – 51-anyos nga agnaed idiay Salvador 1st, Candon City
